နေပြည်တော်တွင် အထင်ကရလမ်းမကြီးတစ်ခုဖြစ်သော လမ်း (၂၀)သွား ရာဇဌာနီလမ်းမကြီးအား ကျန်ရှိနေသော လမ်းပိုင်းဆိုင်ရာများ စတင်ခင်းကျင်းလျက် ရှိသည်။

        အဆိုပါ လမ်း(၂၀)သွား ရာဇဌာနီလမ်းမကြီးသည် နေပြည်တော်၏ အထင်ကရလမ်းမကြီးများတွင် တစ်ခုအပါအ၀င်ဖြစ်ပြီး ယင်းလမ်းမကြီးနှင့် ဆက်သွယ်ထားသော လမ်းပိုင်းဆိုင်ရာများမှာ ရန်ကုန်-မန္တလေးပြည်ထောင်စုလမ်းမကြီး၊ ဘောဂသီရိအဝေးပြေးကားကွင်းကြီး၊ ပန်းခင်းလမ်းဆုံ၊ ရာဇသင်္ဂဟလမ်း၊ ၀န်ကြီးရုံးများသွားသော လမ်းမကြီးနှင့် သမ္မတအိမ်တော်၊ လွှတ်တော်ကြီးသို့ တိုက်ရိုက်ပေါက်ရောက်သော လမ်းမကြီးဖြစ်ကြောင်း သိရှိရသည်။

        ''နေပြည်တော်ရဲ့ လမ်းပိုင်းဆိုင်ရာတွေက အရမ်းကောင်းလွန်းတော့ ယာဉ်သွားယာဉ်လာတွေ သတိထား မောင်းနှင်သင့်တယ်။ အခုဆိုရင် ဒီလမ်း ၂၀ သွားလမ်းမကြီးနဲ့ ပျဉ်းမနားရတနာဆင်ရုပ်ကနေ နေပြည်တော်မြို့မဈေးအထိ လေးလမ်းသွားကနေပြီး အခုဆိုရင် (၁၀)လမ်းသွားအထိ တိုးချဲ့နေပါတယ်။ နောက်ပြန်ကပြေးရွာနားကနေ ရာဇဌာနီလမ်းမကြီးအထိ ဖောက်လုပ်တာ လမ်းကြမ်းဖောက်လုပ် ပြီးစီးနေပါပြီ။ အဓိက ရာဇဌာနီလမ်းမကြီးကတော့ လမ်းပိုင်းဆိုင်ရာ တိုးချဲ့မှုလုပ်ငန်းတွေကို မကြာခင် ပြီးစီးအောင် ပြုလုပ်ရမှာပါ''ဟု လမ်းပိုင်းဆိုင်ရာ ခင်းကျင်းနေသော အင်ဂျင်နီယာတစ်ဦးက ဆိုပါသည်။